Лоттың бастапқы бағасы 550 мың долларды құрады, деп жазады turkystan.kz
«Бүгінгі бәссаудадан түскен қаражаттың барлығын ЮНИСЕФ-ке береміз», – деп хабарлады Муратов аукцион басталар алдында.
Оның айтуынша, аталған ұйым ол қаражатты Польша, Ресей, Германия, Молдавия, Словения, Чехия мен Венгриядағы босқын балаларға көмектесуге жұмсайды.
Егер ЮНИСЕФ сондай шешім қабылдаса және қомақты сома жинай алсақ, олар ақшаның бір бөлігін Африка мен Лаостағы босқын балаларға да береді, – деп мәлімдеді журналист.
Бәссаудаға шығарылған Нобель медалін сатып алуға ниетті адам бірнеше минуттан кейін бірден табылған. Телефон арқылы хабарласқан белгісіз сатып алушы 103,5 млн доллар беруге әзір екенін жеткізген.
Нобель сыйлығын Дмитрий Муратов пен филиппиндік журналист Мария Ресса 2021 жылы «демократия мен бейбітшілік орнату үшін басты шарт болып табылатын өзін-өзі көрсете алу мүмкіндігі мен сөз бостандығын қорғауға» қосқан үлесі үшін иеленген еді. Медальді аукцион арқылы сатқысы келетін ниетін Муратов наурыз айында мәлімдеді.
