Баланы өз бетімен іздеген жақындары оны таппаған, шарасыз анасы тәртіп сақшыларынан көмек сұраған.
Полицейлер дереу еріктілермен бірге баланы іздеуге кірісті: олар туыстарынан, достарынан сұрау алып, айналаны түгел тексерді.
«Елордалық полиция қызметкерлерінің жеке құрамы жоғалған баланы іздеуге жұмылдырылды. Полиция қызметкерлері мен «LIDER.KZ еріктілер қозғалысы» өкілдері жүргізген іс-шаралар барысында таңертеңгі сағат 07.00-де Қарттар үйі аумағындағы құрылыс алаңының маңындағы бұталардың арасынан кәмелетке толмаған жасөспірімді тапты. Анық болғандай, бала кешкі уақытта велосипедпен Көктал-2 елді мекеніндегі концертке барып, түнде үйіне қайтар жолды таба алмай, адасып кеткен. Содан көшеде түнеуді ұйғарды», - дейді Нұр-Сұлтан қаласы Қылмыстық іздестіру басқармасының іздеу бөлімінің бастығы Нұрғали Асылхан.
Қазіргі уақытта бала ата-анасына табысталды. Баланың туыстары жоғалған ұлын іздеген полицейлерге алғысын білдірді.