Бозайғыр ауылында сағат 12.00 шамасында терминалдан ақшаны алып болған соң медициналық бетперде киген белгісіз ер адам инкассаторлар отырған көлікке мініп, оларды мылтыққа ұқсас затпен қорқытып, көлікті қаланың шетіне айдауға мәжбүрлеген. Шабуылшы 14 миллион теңгені иемденген. Ақмола облысының ПД
Аталған факті бойынша полицейлер ҚР Қылмыстық кодексінің 192-бабы 4-бөлігі 2-тармағы (қарақшылық) бойынша сотқа дейінгі тергеу амалдарын бастады.
Бір тәулікте екі күдікті қамауға алынды. Белгілі болғандай, олар бұрын осы инкассаторлық компанияда жұмыс істеген.
Тергеу барысында күдіктілер ұрланған ақшаны қайда жасырғанын айтып берді.
Қазіргі уақытта тергеу амалдары жүргізілуде, басқа да тұлғалардың қатыстылығы анықталуда.
Күдіктілер қамауға алынып, уақытша ұстау изоляторына қамалды.