Жаңа төрағаны ұжымға Қазақстан Республикасы Жоғарғы Сотының Қылмыстық істер жөніндегі сот алқасының төрағасы Әбдірашит Жүкенов таныстырды.
Жүкенов Жұмағұловты сот жүйесінде өзін жақсы жағынан көрсете білген, құқық қолдану тәжірибесі мен сот төрелігін жүзеге асыру сапасы мәселелеріне ерекше көңіл бөлетін жоғары білікті маман ретінде сипаттады.
Сонымен қатар, Жоғарғы Сот алқасының төрағасы аудандық соттардың төрағаларын және елорданың қалалық сотының судьяларын таныстырды.
Сонымен, Алмас Сәлімов Есіл аудандық сотының төрағасы болып, Дәуренбек Даумов Есіл ауданының No2 аудандық сотының төрағасы болып тағайындалды.
Нұр-Сұлтан қалалық сотының судьясы қызметіне Айбек Әмірғалиев, Гүлнәр Дәулешова, Анар Кәрімова тағайындалды.