Жүгіру жарысына байланысты Almaty arena мұз сарайына іргелес аумақтағы көшелердің бір бөлігі жабылады.
Сағат 18.30-дан 22.00-ге дейін арена аумағының периметрі бойынша көліктің барлық түрі үшін қозғалыс шектеледі. Рысқұлов даңғылының және Момышұлы көшесінің бойымен өту жолы ашық болады, – делінген Алматы әкімдігінің хабарламасында.
Қатысушылар мен жанкүйерлерді жазғы жарыстың спорттық әрі мерекелік атмосферасы күтеді. Сонымен қатар серіктестердің қызық шаралары өтетін жарнамалық аймақтар, балаларға арналған аниматорлар, тағамдар мен салқындатқыш сусындар ұсынылады.