Оқиғадан кейін куәгерлердің айтуынша, марқұм алғашында шарасыз әрекетке баруға батылы жетпеген көрінеді. Бірақ кейін ол жоспарлағанын орындады, деп хабарлайды КТК.
Жергілікті тұрғындардың айтуынша, қыз 26 жаста болған. Ол Алматыға Шымкенттен жұмысқа келген. Консьерждің айтуынша, марқұм түнде пәтер жалдаған көрінеді. Кейін оның сөмкесінен құжаттар табылды: жеке куәлік пен қатерлі ісік туралы анықтамалар.
Қыз секіріп шыққан балкон жолға қарайды. Сағат кешкі он болды - бұл уақытта мұнда әлі адамдар көп. Сондықтан ондаған азамат сұмдық қайғылы оқиғаның куәгері болды. Көпшілік қызды көндіруге тырысқанымен, сәті түспеді. Санаулы секундтарда ойға келмейтін оқиға орын алды.
Оқиға орнына дереу полиция патрульі келді. Өз-өзіне қол жұмсаудың куәсі болған адамдар әлі күнге дейін есеңгіреуден шыға алмай келеді.
Анам дәріханада болды. Ол тіпті соққының даусын естіді. Есеңгіреп қалды, дәріханадан шыға алмады. Сәния Әсембек
Қыздың шарасыз қадамға баруына не түрткі болғанын қазір полиция анықтап жатыр. Қылмыстық іс «Өзін-өзі өлтіруге итермелеу» бабы бойынша тергелуде.
Сағат ондар шамасында 102 пультіне Розыбакиев көшесіндегі үйлердің бірінің 25-ші қабатында орналасқан балконнан әйелдің секіргені туралы хабарлама келіп түсті. Ақпарат расталды, марқұмның жеке басы анықталды. Бостандық ауданы әкімшілігінде ҚР Қылмыстық кодексінің 105-бабы бойынша сотқа дейінгі тергеу басталды. Оқиғаның мән-жайы мен себебі анықталды. Салтанат Әзірбек, Алматы қалалық ПД ресми өкілі
Үйде оқыс оқиғалар жиі болып тұрады дейді көршілер. Мұның бәрі мұндағы көптеген пәтерлердің жалға берілуіне байланысты.
