7 қыркүйекте YouTube желісінде жарияланған видеода өрт қойғандардың бірі өрт сөндіруші Жанат Өтеулиев екені айтылған.
Видеода көрсетілген азамат шынымен де Алматы қаласы Төтенше жағдайлар департаменті «Өрт сөндіру және авариялық-құтқару жұмыстары қызметі» ММ No5 мамандандырылған өрт сөндіру бөлімінің қызметкері – азаматтық қорғау аға өрт сөндіру сержанты Өтеулиев Жанат Ерғалиұлы. Ол 1983 жылы туған, азаматтық қорғау органдарында 2008 жылдан бері қызмет атқарады. Қазақстан Республикасы Төтенше жағдайлар министрлігінің баспасөз қызметі
Өтеулиев Ж.Е. Алматы облысы Жамбыл аудандық полиция бөлімінің қызметкерлерімен ұсталып, ҚР ӘҚБтК-нің 505-бабының 1-бөлігі және 440-бабының 1-бөлігімен әкімшілік жауапкершілікке тартылды.
Тексеру іс-шаралары барысында Утеулиев Ж.Е. қатты масаң күйде болғандықтан, қураған ағашты өртеумен байланысты әрекетін түсіндіре алмады.
Қазір қызметтік тергеу жүріп жатыр.