Министр қазақстандықтар жазда жиі шағымданған рейстердің кешігуі туралы сұраққа жауап беріп, жағдай қазір біркелкі болғанын айтты.
Жазғы кезеңде, өкінішке қарай, кешігулер жаппай болды. Қазір тек жеке жағдайлар болмаса, бұқаралық сипатта кешігулер жоқ. Әр жағдайда біз өте қатал әрекет еттік. Осындай ірі компания үшін 3 миллион теңге айыппұл не тұрады деп ойлауыңыз мүмкін. Бірақ біріншісін, екіншісін, үшіншісін, оныншы айыппұлды алғанда бұл қызық болмайды. Менің ойымша, бұл бағытта мемлекет үзбей жұмыс істей алады деген түсінік бар.Қайырбек Өскенбаев
Сондықтан әуе компаниялары жұмысын жақсы жаққа қарай реттегенін атап өтті.
Air Astana не десек те, барлық халықаралық стандартқа сай келеді. Кешігулер бар, соның ішінде техникалық себептерге байланыстысын Air Astana реттеді. Өкінішке қарай, техникалық себептер мынадай сипатта: құспен соқтығысу немесе сенсордың қандай да бір түрі істен шықты, бұл техника. Air Astana – әлемдік деңгейдегі компаниялардың бірі. Сондықтан ол ұшақтың 100% дайын екеніне сенімді болмаса, оған ұшуға мүмкіндік бермейді.Қайырбек Өскенбаев
Ведомство басшысы азаматтарды рейс кешіксе, шыдамды болуға шақырды. Себебі бұл әуе жолаушыларының қауіпсіздігі үшін болуы мүмкін.
Министр сонымен қатар 2030 жылға қарай Қазақстан жаңа ұшақтар санын 80-ге жеткізуді жоспарлап отырғанын айтты. Биыл 14 жаңа ұшақ келуі керек, бесеуі келді.
