Комитет өкілдерінің мәлімдеуінше, әуе компаниясы тұрақты рейстер кестесін бекіту үшін құжаттар тізімін ұсынбаған.
ААК атап өткендей, шетелдік авиатасымалдаушы тұрақты ұшулар кестесін бекіту үшін құжаттар тізбесін ұшулар басталғанға дейін 45 күнтізбелік күн бұрын ұсынуы тиіс. Бұл ретте әуебағыты кестесіне өзгерістер енгізу кезінде әуе компаниясы ұшуға дейін 3 күн бұрын кестені комитетке ұсынады.
16 қазанда "Азимут" әуе компаниясының Мәскеу – Астана рейсі тоқтатылды. Қазақстан рейсті орындауға рұқсат бермеген.
ААК мәліметінше, құжаттардың толық пакетін алғаннан кейін ғана комитет рұқсатын береді.
Қазіргі уақытта бекітілген кестеге сәйкес, "Азимут" әуе компаниясы Мәскеу – Астана бағыты бойынша аптасына үш рейс жиілігімен (дүйсенбі, сәрсенбі, жұма) тұрақты жолаушылар тасымалдауды іске асырып келеді.
