Polisia.kz басылымының жазуынша, маңғыстаулық тұрғындар "қайтарымсыз ақша алуға, жұмысқа орналасуға көмектесемін" деп алдап кеткен алаяқ әйелдің үстінен полицияға арызданған. Жәбірленушілерге келген шығынның жалпы көлемі 9 272 000 теңге.
Криминалдық полиция қызметкерлері 31 жастағы күдіктіні анықтап, құрықтады. Бұл жайт ҚР ҚК-нің 190-бабы (Алаяқтық) бойынша тіркелді. ҚР ІІМ баспасөз қызметі
Өзге ақпарат тергеу мүддесінде жария етілмейді.
Маңғыстау облысының полиция департаменті облыс тұрғындары мен қонақтарына сенімсіз есепшоттарға ақша аудармау керек екенін ескертті.