Алматыда жол апатының алдын алған автобус жүргізушісі марапатталды

Әлеуметтік желіде Алматыда автобустардың бірінің жүргізушісінің ерлігі жайында айтылған видео тарады. Видео авторының айтуынша, қоғамдық көлік жүргізушісі ауыр апаттың алдын алған, деп хабарлайды Zakon.kz.

Автордың сөзінше, Райымбек даңғылы мен Саин көшесінің қиылысында автобуста тежегіші істен шыққанына қарамастан, жүргізуші сасқалақтамай, алдында тұрған көліктер мен жанар-жағармай құю бекетіне соғылудың алдын алды. Автобус жанармай құю бекетінің жанындағы екі ағаштың арасына тоқтап үлгерген.

Қоғамдық көліктегі жолаушылар жүргізуші өмірін сақтап қалғаны үшін алғысын білдірді.

Алматы қалалық мобилділік басқармасы Zakon.kz сайтына автобус жүргізушісі Дамир Ұзақов "мақтау қағазымен және бір айлық сыйақымен марапатталғанын" хабарлады.

Ведомствоның мәліметінше, оқиға 2022 жылғы 10 қазанда сағат 10:30 шамасында болған. №23 автобустың жүргізушісі шығыс бағытта Райымбек даңғылы мен Саин көшесінің қиылысындағы көпірмен келе жатқанқа "тежегіштің ауырлағанын" байқаған.

Жүргізушінің тәжірибесінің арқасында жолаушылар дін аман қалды. Автобус техникалық жұмыстар жүргізу үшін паркке жеткізілді. Алматы қалалық мобилділік басқармасының баспасөз қызметі

Сондай-ақ департамент осындай жағдайларды болдырмау үшін парктегі барлық автобустарды тексеру ұйымдастырылғанын мәлім етті.

Белгілі болғандай, бұл автобус толық техникалық тексеруден өткеннен кейін таңертең рейске жөнелтілген, оқиға екінші айналымда болған.

Алматы Қазақстан
Жаңалықтан zakon.kz сайтында хабардар болыңыз: