Ведомствоның баспасөз қызметі 3 қарашада табиғатты қорғау полициясының қызметкерлері тікұшақпен Балқаш көлінің балық аулайтын жерлерінің үстінен ұшып өткенін нақтылады. Шұбар – Түбек ауылының маңында олар моторлы қайықты байқайды, иесі полицейлерден жасырынбақ болған.
Қайықты тексеру барысында 84 келі балық пен ұзындығы 400 метрлік ау табылды.
Полиция өкілдерінің мәліметінше, келтірілген шығын көлемі 417 мың теңге болды.
Сондай-ақ олар ҚР Қылмыстық кодексінің 335-бабы "Балық ресурстарын, өзге де су жануарларын немесе өсімдіктерін заңсыз өндіру" бойынша сотқа дейінгі тергеу амалдары жүріп жатқанын хабарлады.
