Облыстық Төтенше жағдайлар департаментінің мәліметінше, 12 қарашада кешкі уақытта ер адам Өскеменнен Қызыл су ауылы бағытында УАЗ көлігін айдап кеткен.
Жүргізуші межелі жерге жете алмаған соң, достары құтқарушыларға жүгінуді ұйғарыпты.
Төтенше жағдайлар департаментінің қызметкерлері өтуге қабілетті «Трекол» көлігімен шығып, Ұлан ауданы, Қойтас ауылы мен Саратовка ауылы арасында жоғалған азаматты тапты.
Құтқарушылар көлікті қазып алып, жүргізушіні тас жолға шығарып салды.
Айта кетейік, бір күн бұрын Шығыс Қазақстан облысында дауылды ескерту жарияланған болатын.
ТЖД ауа райының қолайсыз болжамы жағдайында сапарды кейінге қалдыруды қатаң түрде ескертеді.
Бұған дейін 14 қарашада Қазақстан аумағының басым бөлігінде дауылды ескерту жарияланғаны хабарланған болатын.
Оқи отырыңыз
