Алматы зообағының әкімшілігі қыс келісімен хайуанаттар бағындағы құстарда қиындау кезең басталатынын айтты.
"Әсіресе жабайы табиғаттағы құстарға қыстың суығы емес, азық тауып жеу қиын. Осы мезгілде біздің зообаққа қала аумағында еркін ұшып жүретін үйректер қыстауға келеді. Олар Алматы хайуанаттар бағында тұратын құстардың тамағына ортақтасады. Сондықтан біз қыс кезінде құстарымызға беретін азық-жемді 2-3 есеге көбейтеміз", - деп жазды Алматы хайуанаттар бағы Instagram-дағы парақшасында.
Уақытша қонақ болып келген үйректер көктемде зообақтан қайтып ұшып кетеді.