"Қазгидромет" РМК-ның мәліметінше, Маңғыстау облысының орталығында, оңтүстігінде оңтүстік шығыстан соққан желдің екпіні 15-20м/с, ал облыстың батысында 25 м/с болады деп күтіледі. Ақтауда оңтүстік шығыстан соққан желдің екпіні 20 м/с, ал кей тұста 23 м/с-ға жетеді.
Ақмола облысының солтүстігінде, шығысында боран болады деп болжанады Өңірдің солтүстігінде, шығысында соққан желдің екпіні 9-14 м/с құрайды. Көкшетауда батыстан соққан желдің екпіні түнде және таңертең 15-20 м/с дейін барады.
Абай облысының орталығында, солтүстігінде жаяу бұрқасын жүреді деп күтіледі. Облыстың орталығында, батысында, солтүстігінде оңтүстіктен, оңтүстік батыстан соққан желдің екпіні 15-20 м/с, кей тұста 25 м/с-ға жетеді. Шығыс Қазақстан облысында да жаяу бұрқасын жүреді. Облыстың солтүстігінде, батысында оңтүстік шығыстан, оңтүстіктен 15-20 м/с жылдамдықпен жел соғады деп күтіледі.
"Солтүстік Қазақстан облысының солтүстігінде, шығысында қарлы боран болады деп күтіледі. Облыстың солтүстігінде, шығысында батыстан соққан желдің екпіні 15-20 м/с құрайды. Петропавлда да жаяу бұрқасын жүреді. Батыстан соққан желдің екпіні - 15-20 м/с". "Қазгидромет" РМК
Павлодар облысы мен Павлодарда қарлы боран болады деп күтіледі. Облыстың оңтүстігінде оңтүстік батыстан 15-20 м/с жылдамдықпен жел соғады деп болжанады.
Қарағанды облысының солтүстігінде, шығысында қарлы боран болады деп күтіледі. Облыстың солтүстігінде, шығысында оңтүстік батыстан, батыстан соққан желдің екпіні 15-20 м/с құрайды.
Жамбыл облысының оңтүстігінде, таулы аудандарында тұман түседі деп күтіледі. Таулы аймақтарда солтүстік батыстан солтүстік шығысқа ойыса соққан желдің екпіні 15-20 м/с болады. Түнде облыстың көп бөлігінде 30-33 градусқа дейін қатты аяз болады деп күтіледі. Таразда тұман болады деп болжанады. 12-сінен 13 қаңтарға қараған түні 28-30 градусқа дейін қатты аяз болады деп күтіледі.
Түнде Түркістан облысының басым бөлігінде және Түркістанда 25-27 градусқа дейін сынап бағаны төмендеп, қатты аяз болады деп күтіледі. Шымкентте түнде сынап бағаны 25 градусқа дейін төмендейді.