«Қазгидромет» РМК хабарлауынша, еліміздің басым бөлігі арктикалық антициклонның ықпалында болады, онымен бірге ауа райы жауын-шашынсыз сақталады.
Республиканың шығысында, солтүстігінде, орталығында атмосфералық фронтальды бөліктердің өтуімен қар жауып, жел күшейеді. Боран күтілуде. Республиканың оңтүстік-шығысында тұман түседі. «Қазгидромет» РМК
Түнде солтүстікте, Алматы, Жамбыл, Жетісу облыстарының таулы аймақтарында 30-33 градусқа дейін өте қатты аяз сақталады. Түркістан облысында – минус 25 градус болады.