Қаңтардың 23-і күні бұрын McDonald's брендімен жұмыс істеген "Food Solutions KZ" ЖШС-не тиесілі бірқатар мейрамхана қайта жұмыс істей бастады.
"Food Solutions KZ" ЖШС бас директоры Әсет Машановтың айтуынша, әзірге мейрамхана маңдайшасына атау ілінбейді, бірақ жақын арада жаңаша аталады.
Компания өкілі фаст-фуд мейрамханаларын ашу кезең-кезеңімен іске асырылатынын, бастапқы кезеңде Алматыда 5 мейрамхана ашылатынын айтты.
Сурет: Zakon.kz
"Жабылған кезде жұмыс істеп жүрген мейрамхананың барлық қызметкері жұмысын, жалақысын және басқа да еңбек жағдайларын толығымен сақтап қалды". "Food Solutions KZ" ЖШС баспасөз қызметі
2023 жылғы 5 қаңтарда McDonald's Қазақстандағы жұмысын тоқтатты. Екі апта өтпей жатып "Вкусно-и Точка" азық-түлік желісі Қазақстанда тауар таңбасын тіркеуге өтініш бергені белгілі болды.