"Қазгидромет" РМК ұсынған республикамыздың ауа бассейнінің жай-күйі бюллетеніндегі деректерге сәйкес, Алматы, Атырау, Ақтөбе, Жезқазған және Шымкент қалаларында қолайсыз метеорологиялық жағдайлар белең алатыны болжанады.
Мамандар бұған атмосфералық ауаның беткі қабатында зиянды ластаушы заттардың жиналуына ықпал ететін қысқа мерзімді метеорологиялық факторлардың (күннің желсіз тымық болуы, тұман, инверсия) үйлесуі жағдайы түрткі екенін түсіндірді.
Мұндай жағдайларда аталған елдімекендердегі атмосфералық ауа сапасының нашарлауы мүмкін.
Ауаның ластану деңгейін анықтайтын маңызды факторлардың бірі - синоптикалық жағдайдың болжамы (жел, жауын-шашын, ауа ылғалдылығы, ауа температурасы көрсеткіштері).
