"Қазгидромет" РМК мәліметі бойынша, батыс циклоны ойпатының және атмосфералық фронтальды учаскелердің әсерінен Қазақстанның басым бөлігінде ауа райы құбылмалы болады.
Синоптиктердің болжауынша, қар жауады, республиканың оңтүстік-батысында, оңтүстігінде және оңтүстік-шығысында қар аралас жаңбыр жауады.
18 ақпанда Жамбыл, Алматы, Жетісу облыстарында қатты жауын-шашын (жаңбыр, қар) болжанды.
Республика бойынша тұман түсіп, жел күшейеді, елдің оңтүстік жартысында көктайғақ, солтүстік жартысында бұрқасын болады.