Роман Скляр екі адамның өліміне қатысты қылмыстық іс қозғалғанын айтты.
"Қылмыстық істің қорытындысы бойынша тиісті ақпарат беріледі. Бұқаралық ақпарат құралдарында жарияланған ақпаратқа сай, оқиға бір қабатты жеке тұрғын үйде болған. Онда, әрине, КСК жоқ. Үйде батарея жарылып кеткен, онда әрине ыстық су болды. Полицейлер барғанда босап тұрған сымдарды көрген. Мәселенің неден болғанын, кімге телефон соққанын, ішкі коммуникацияларды кім жөндемегенін, неліктен бұлай болғанын тергеу анықтап, қорытынды береді".Роман Скляр
13 ақпанда Екібастұз қаласы, Бұқар жырау көшесінің тұрғыны жылыту радиаторының зақымдануы салдарынан тұрғын үйді су басқаны туралы хабарлаған. Оқиға орнына жеткен полицейлер 1959 жылы туған ер адам мен 1965 жылы туған әйелдің мәйітін тапты.
