Күндіз Қызылорда облысының шығысында, орталығында шығыстан соққан желдің екпіні 15-20 м/с, кей тұста 23 м/с болады деп болжанады.
Ақмола облысының солтүстігінде, батысында тұман түсуі ықтимал. Күндіз облыстың солтүстігінде, батысында оңтүстік батыстан соққан желдің екпіні 15-20 м/с құрайды.
Түркістан облысының солтүстігінде, батысында, таулы аудандары мен тау бөктерінде солтүстік-шығыстан, шығыстан 15-20 м/с, кей тұста 25 м/с жылдамдықпен жел соғады. Шымкентте солтүстік-шығыстан, шығыстан соққан желдің екпіні 15-20 м/с құрайды. Түркістанда солтүстік-шығыстан, шығыстан соққан желдің екпіні 15-20 м/с болады.
Күндіз Солтүстік Қазақстан облысының солтүстік-батысында көктайғақ болып, жаяу бұрқасын жүреді деп болжанады. Түнде және таңертең облыстың оңтүстігінде тұман түседі. Түнде облыстың солтүстігінде, батысында, күндіз облыстың басым бөлігінде оңтүстік-батыстан соққан желдің екпіні 15-20 м/с құрайды. Петропавлда күндіз оңтүстік-батыстан соққан желдің екпіні - 15-20 м/с.
Күндіз Маңғыстау облысының орталығында, солтүстігінде шаңды дауыл тұрады деп күтіледі. Облыстың орталығында, солтүстігінде оңтүстік-шығыстан соққан желдің екпіні - 15-20 м/с.
Түнде Павлодар облысының оңтүстігінде, шығысында тұман, көктайғақ болады деп күтіледі.
Күннің екінші жартысында Қостанай облысының солтүстігінде жауын-шашын (қар, жаңбыр), көктайғақ болып, жаяу бұрқасын жүреді. Облыстың оңтүстігінде тұман болады. Күндіз облыстың солтүстігінде оңтүстік-батыстан солтүстік-батысқа ойыса соққан желдің екпіні 15-20 м/с құрайды. Ауа температурасы күндіз облыстың басым бөлігінде 2-7 градус жылы болады. Қостанайда кешке жауын-шашын (қар, жаңбыр) болады деп күтіледі. Күндіз ауа температурасы: 3-5 градус жылы.
Алматы облысының таулы аудандарында, оңтүстігінде, тұман түседі. Облыстың шығысында солтүстік-батыстан солтүстік-шығысқа ойыса соққан желдің екпіні 15-20 м/с құрайды. Алматыда тұман болады деп болжанады.