2023 жылдың көктемінде 10 мыңнан астам, оның ішінде "Жасыл аула" науқаны аясында тұрғындармен бірлесе отырып, ағаш егу жоспарланған.
Қала тұрғындарына барлығы 2638 ағаш көшеттері беріледі. Шегіршін, сәнағаш, шаған мен қайыңның көшеттері 1,2 және 8,9 сәуірге жоспарланған. Науқан қатысушылары өзі еккен ағаштарды алдағы үш жыл бойы күтіп-баптауға міндеттелген.
Жалпы ағаш егу маусымы мамыр айының соңына дейін жалғасады.
Негізгі ағаш егу науқаны күз кезінде жүзеге асырылады. Биыл күзде 300 мыңнан астам ағаш егу жоспарланған. Ағаштың көбі қаладағы Алатау және Наурызбай аудандарына егіледі.