Аштық акциясына 50-ге жуық жұмыссыз ауыл тұрғыны қатысты. Олар мұнай өнеркәсібіне жұмысқа орналастыруды талап етті.
"Жергілікті атқарушы органдар жүргізген түсіндіру жұмыстарынан кейін шараға қатысушылар өз әрекетін тоқтату туралы шешім қабылдады", - деп хабарлады әкімдік.
Өз кезегінде Қарақия ауданының әкімдігі облыс әкімдігінің облыстық басқармалары, аудан прокуратурасы және басқа да мүдделі органдармен бірлесіп, наразылық білдірген жұмыссыздарға түсіндіру жұмыстарын жалғастырды.
"Жергілікті атқарушы органдар, қоғам белсенділері және барлық деңгейдегі мәслихат депутаттары Маңғыстау облысының тұрғындарын жұмыспен қамту мәселелерін шешу бойынша алдағы уақытта да жұмысты жалғастыратын болады" Қарақия ауданының әкімдігі
Маңғыстаудағы ірі құрылыс компаниялары Жетібайда жолды жапқан ауыл тұрғындарына жұмыс ұсынды.
