Орталық коммуникациялар қызметінде өткен баспасөз мәслихатында ҚР Қарулы күштері Бас штабы Жедел жоспарлау департаменті бастығының орынбасары полковник Дәурен Абдуллин әскери шеру өткізуден бас тартуға бюджетті үнемдеу себеп болғанын атап өтті.
"9 мамырда парад болмайды. Қорғаныс министрлігі үнемделген қаражатты жауынгерлік әзірлікті сақтауға және әскерлердің ұтқырлығын арттыруға жұмсайды". Дәурен Абдуллин
Сондай-ақ ол Қазақстан Республикасы мен Ресей Федерациясының ынтымақтастығы аясында Мәскеудегі әскери парадқа қазақстандық әскери қызметкерлердің қатысуы мәселесі көтерілмегенін айтты.
Қорғаныс министрлігі 2023 жылғы 9 мамырда әскери шеру болмайтынын хабарлаған еді.