Үкіметте жолаушылар тасымалын айтарлықтай арттырып, ұшу географиясын кеңейтуге және мегаполис тұрғындары мен қонақтарына жоғары деңгейдегі жайлы қызмет көрсетуге мүмкіндік беретін жаңа терминалдың құрылысы талқыланды.
Премьер-министр Әлихан Смайылов TAV Airports Холдингінің Алматыдағы жаңа халықаралық терминал құрылысы бойынша ірі инфрақұрылымдық жобаны жүзеге асыруға қатысуы маңызды деп атап өтті.
Смайыловтың айтуынша, бұл – Орталық Азиядағы ең ірі әуежайлардың бірі әрі стратегиялық маңызы зор.
Өз кезегінде Серкан Каптан олар үшін Алматы әуежайы маңызды жобалардың бірі екенін, өйткені ол Орталық Азияның қақ ортасында орналасқан және қала үшін де, бүкіл Қазақстан үшін де маңызды рөл атқаратынын атап өтті.
"Сондықтан біз оны мүмкіндігінше тезірек дамытуға тырысамыз. Жаңа терминал келер жылы жұмыс істей бастайды деп үміттенеміз", – деді ол.
Кездесу қорытындысы бойынша тараптар тиімді ынтымақтастықты одан әрі нығайтуға дайын екендерін айтты.