Қайрат Төребаев өңдеу өнеркәсібі өнімдерін экспорттаудағы жетістіктерге тоқталды. Мәселен, оның айтуынша, ағымдағы жылдың бірінші тоқсанында өңделген өнімдердің сыртқы саудасының жалпы көлемі $18,8 млрд құрады, бұл өткен жылдың сәйкес кезеңімен салыстырғанда 32%-ға жоғары. Осы кезеңде шикізаттық емес тауарлар экспорты 7,6%-ға өскен 5,9 млрд долларды құрады.
"Экспорттың өсуі тауарлық позициялардың санын ұлғайту есебінен де қамтамасыз етілді. Биылғы жылдың бірінші тоқсанында экспортқа жіберілген тауар ассортименті 767 тауар позициясына өсті. Экспорт географиясы да кеңейіп келеді. Қазақстанның шикізаттық емес экспорты Биылғы жылы әлемнің 106 еліне жөнелтілді, бұл 2022 жылмен салыстырғанда 6 елге көп. Өңделген тауарлардың негізгі импорттаушылары Ресей, Қытай, Өзбекстан, Түркия, Нидерланды, Ұлыбритания, Жапония, Қырғызстан, Грузия, Ауғанстан болды", - делінген хабарламада.
Негізгі экспортталатын тауарлар – мыс және катодты мыс, ферроқорытпалар, уран, мұнай өнімдері, легирленбеген болаттан жасалған ыстықтай илектелген жалпақ болат, күміс, бидай немесе қара бидай ұны, мырыш және табиғи газ.
Бұл ретте экспорт өсімі келесі тауарлар бойынша тіркелді:
- уран – 51,6%-ға;
- мұнай өнімдері – 52,5%-ға;
- күнбағыс майы – 19,9%-ға;
- Минералды тыңайтқыштар – 2,8 есеге;
- жеңіл автокөліктер – 46%-ға;
- Сутегі, инертті газдар және басқалары – 24%-ға.
2 мамырда Сауда және интеграция министрлігінің басшысы Қазақстан бірнеше рет агрессивті экспортқа, әсіресе көкөніс өнімдеріне тап болып отырғанын айтты.