"Қазгидромет" синоптиктерінің болжамына қарағанда, жексенбіде еліміздің бес қаласында ауа тым лас болады.
Атырау, Ақтөбе, Ақтау, Алматы және Астана қалаларының тұрғындарын қолайсыз метеорологиялық жағдайлар күтіп тұр.
Қолайсыз метеорологиялық жағдайлар - атмосфералық ауаның беткі қабатында зиянды заттардың шоғырлануына ықпал ететін қысқамерзімді метеофакторлардың (тымық ауа райы, жеңіл жел, тұман, инверсия) жиынтығы.
Бұл аз уақытқа созылатын, бірақ атмосфералық ауаның сапасына және халықтың денсаулығына айтарлықтай теріс әсер етеді.
