Алматы төтенше жағдайлар демартаменті дауылды ескертуге сүйене отырып, Алматы қаласында 7-9 маусым аралығында 35-37 градусқа дейін қатты ыстық болжанғанын мәлімдеді.
"Қала тұрғындары мен қонақтарын күн сәулесiнiң әсерiнен сақтану үшiн серуенге шықпауға шақырамыз".Алматы ТЖД баспасөз қызметі
ТЖ департаменті мына қауіпсіздік шараларын сақтауды ұсынады:
- күн сәулесі тікелей түсетін жерлерде мүмкіндігінше аз болуға тырысыңыз. Есіңізде болсын, сағат 12:00-ден 16:00-ге дейінгі уақытта күннің сәулесі белсенді болады;
- денені күн сәулесінен қорғап, жабық киім киюге тырысыңыз және күннен қорғайтын сықпа майлар қолданыңыз;
- алкогольді ішімдік ішпеңіз – алкоголь ыстықта ағзаға тез әсер етеді;
- сұйықтықты (салқындатылған су, минералды су) мүмкіндігінше көп ішуге тырысыңыз;
- денеге салмақ түсірмеңіз. Қатты жүктеме ыстықта жылу алмасуды арттырады да ағзаны сусыздануға әкеліп соқтырады;
- автокөліктермен ұзақ сапарларды шектеуіңіз керек, егер бұл мүмкін болмаса, жолда мүмкіндігінше абай болыңыз, себебі, қатты ыстықтан адам өзін өзі нашар сезінуі мүмкін және реакция төмендейді.
- балаларды автокөлік ішіне аз уақытқа болса да қалдырмаңыз. Қатты ыстықтан бала есінен танып қалуы мүмкін.
