Шілде айындағы болжамға сай, еліміздің басым бөлігінде ылғалдылық негізінен нормаға жақын болады. Сонымен бірге ылғал тапшылығы бар аумақтардың ауданы ұлғаяды.
Орташа құрғақшылық мына өңірлерде болжанды:
- Ақмола облысының Жарқайың ауданында,
- Қостанай облысы Амангелді ауданында,
- Ақтөбе облысының Әйтеке би, Ырғыз және Хромтау аудандарында,
- Ұлытау облысы Ұлытау ауданында,
- Атырау облысы Қызылқоға ауданында,
- Қызылорда облысы Шиелі ауданында.
"Қызылорда облысының Қармақшы ауданы мен Қостанай облысының Жангелді ауданында қатты құрғақшылық болуы мүмкін", - деп хабарлады синоптиктер.
Маусым айында Қазақстанның бес облысында құрғақшылық болады деп болжанған еді.