Дегенмен елорда әкімдігі қаланың 25 жылдығына дейін 100-ден астам шара өткізу жоспарланғанын айтты. Оның 90-ға жуығы елорданың барлық тұрғыны мен қонағы үшін тегін.
Сонымен қатар мереке күндері бірқатар әлеуметтік нысандар да ашылады. Соның ішінде Оқушылар сарайы, дене шынықтыру-сауықтыру кешені, аулалар, қоғамдық орындар бар. Үлескерлерге пәтер кілттері табыс етіледі.
Қазақстанда Астана күні 6 шілдеде тойланады. Биыл Астанаға - 25 жыл.
Бастапқыда (1998 жылдан бастап) Астана күні 10 маусымда тойланып келген. 6 шілде 2006 жылы ғана енгізілді. Күн кездейсоқ таңдалған жоқ. 1994 жылдың дәл осы күні астананы көшіру туралы шешімді Қазақстанның Жоғарғы Кеңесі бекітті.