Қазгидромет мамандарының айтуынша, 11 шілдеде елорда мен Алматыда қолайсыз метеорологиялық жағдай болады.
Қолайсыз ауа-райы жағдайлары (ҚАЖ) – атмосфералық ауаның беткі қабатында зиян (ластаушы) заттардың жиналуына ықпал ететін қысқа мерзімді метеорологиялық факторлардың (тыныш, жеңіл жел, тұман, инверсия) жиынтығы. ҚАЖ жағдайында елді мекендердегі атмосфералық ауаның сапасы нашарлауы мүмкін.
Ластану деңгейінің қалыптасуын анықтайтын маңызды факторлардың бірі - синоптикалық жағдайды болжау (жел, жауын-шашын, ылғалдылық, ауа температурасы).
Синоптиктер бұған дейін сейсенбіге арналған ауа райын жариялаған еді. Мамандардың айтуынша, 11 шілдеде еліміздің басым бөлігінде құрғақ ыстық сақталады. Батыс облыстарды қоспағанда басқа өңірде найзағай ойнап, жаңбыр жаууы мүмкін.