Премьер-Министрдің баспасөз қызметінің хабарлауынша, 18 министрлік өкілдерінің азаматтарды жеке қабылдауы апта сайын Орталық сайтында өткізіліп, кесте үкімет сайтында алдын ала жарияланатын болады.
Бұл ретте өңір тұрғындарының елордаға жеке келуінің қажеті жоқ – оларды онлайн қабылдауға болады.
Орталықтың құрылуы ел Президенті Қасым-Жомарт Тоқаевтың бастамасымен қолға алынған "Тыңдаушы мемлекет" тұжырымдамасын жүзеге асыру жөніндегі орасан зор жұмыстың заңды жалғасы болып табылады.
Жаңа Орталықтың базасында цифрлық халыққа қызмет көрсету орталығы да іске қосылды, ол арқылы 1220 мемлекеттік қызметті онлайн режимінде алуға болады.
