Оқиға 26 шілдеде сағат 10:15 шамасында болған. "Самал" базарына қарай жүріп бара жатқан жүк көлігі Рысқұлов және Қазиев көшелерінің қиылысындағы бағдаршамда тоқтап тұрған 8 автокөлікті соққан.
Салдарынан Mazda автокөлігінің жүргізушісі және Toyota Camry көлігінің жолаушысы жарақат алып, ауруханаға жеткізілді.
Жүк көлігінің тежеуіші кенеттен істен шыққан. Ал оны тізгіндеген жүргізушінің жүк көлігін басқару құқы жоқ екені анықталған. Оған Әкімшілік құқықбұзушылық туралы кодекстің 610-бабы 3-бөлімі бойынша хаттама толтырылды.
