Қалалық мобильділік басқармасы 1 тамызда сағат 23-00-ден 3 тамызда сағат 07-00-ге дейін полимерлі асфальтбетон жабынын төсеу жұмыстарының жүргізілуіне байланысты аталған жол учаскесінде көлік қозғалысы толығымен шектеледі
"2 тамызда сағат 07-00-ден 24-00-ге дейін Сырғабеков көшесі мен Есентай өзенінен өтетін көпір аралығында реверсивті қозғалыс болады. Батыс және шығыс бағыттағы жолақтар санын қалыптасқан жағдайға қарай патрульдік полиция қызметкерлері анықтайтын болады. Қараңғы уақытта жол-көлік оқиғаларының алдын алу мақсатында 3 тамызда сағат 00-00 мен 07-00 аралығында аталған учаскеде батыс бағытта көлік қозғалысы толығымен шектеледі", делінген хабарламада.
Құзырлы мекеме 1 тамызда сағат 23-00-ден 3 тамызда сағат 7-00 аралығында Ботаникалық баққа Қозыбаев көшесінен кіріп шығатын жол, Әл-Фараби даңғылынан Ходжанов көшесіне бұрылатын жол толығымен жабық болатынын да ескертеді.
"Айналып өту Жароков, Ходжанов және Қозыбаев көшелері арқылы ұйымдастырылады. Ходжанов көшесінен Әл-Фараби даңғылына батыс бағытта бұрылыс ашық болады". Алматы қалалық мобильділік басқармасы