Оқыс оқиға 11 тамызда болған.
Облыстық полиция департаментінің баспасөз қызметінің хабарлауынша, Баянауыл ауданы Жаңажол ауылында Мәшһүр Жүсіптің 165 жылдығына орай ұйымдастырылған көкпар кезінде командалардың бірінің ойыншысы атпен бірге құлап, жарақат алды.
"Ер адам Екібастұз дағы ауруханаға жеткізілді. Осы факті бойынша тексеру жүргізіліп жатыр", - делінген хабарламада.
Алғашқы медициналық көмекті жедел жәрдем қызметкерлері көрсеткен. Пациент жарақаттың ауырлығына қарай реанимацияға жатқызылған.
"Науқастың жағдайы өте ауыр, комаға түскен, жасанды тыныс алу аппаратында жатыр", - деп хабарлады денсаулық сақтау басқармасы.
