Бүгінде Астанада тұрғындарға арналған 11 қойма мен 14 көмір сату пункті бар, олар толықтай тиісті инфрақұрылыммен және жүк тиеу техникасымен жабдықталған. Сауда орындарында 8 компания қызмет етеді. Көмір орындары бір күнде 21 459 тонна немесе 311 вагонды қабылдауы мүмкін.
"Жылыту маусымына дайындық және өткізу барысында көмір сатушылар 364 мың тонна көлемінде өтінім берді. Биыл 1 мамыр мен 6 қыркүйек аралығында қала тұрғындарына қажет 149 мың тонна көмір жеткізілді. Қазір көмір қоры - 22 мың тонна", - делінген Астана әкімдігі мәлімдемесінде.
Көмірдің орташа бағасы мынандай:
- Шұбаркөл – тоннасына 15 100 теңге;
- Қаражыра – тоннасына 15 500 теңге;
- Майқұба – тоннасына 13500 теңге.
Сонымен бірге Астанада 109 нөмірі бойынша "жедел желі" жұмыс істейді. Осы желіге хабарласып, көмірдің қоры, бағасы және бар-жоғын білуге болады.