Ведомствоның ақпараттық хабарламасы Instagram желісінде жарияланды.
"Ұлы Дала даңғылындағы көпірде деформациялық тігісті жөндеу жұмыстары жүргізіліп жатқанын еске саламыз. Осыған байланысты автокөлік құралдары үшін қозғалыс ішінара жабылды. Жұмыстар ағымдағы жылдың 17 қазанына дейін ұзартылады, бұл шара уәкілетті органмен Астана қаласы ПД Әкімшілік полиция басқармасымен келісіледі", – делінген хабарламада.
Басқарма көпірдің бір жағымен қозғалыс екі бағытта да ұйымдастырылғанын атап өтті.
"Жұмыстарды кепілдік міндеттемелер шеңберінде мердігер жүргізеді. Уақытша қолайсыздықтар үшін кешірім сұраймыз және жол-құрылыс жұмыстарын жүргізуге түсіністікпен қарауды сұраймыз", – дейді Астана қаласының көлік және жол-көлік инфрақұрылымын дамыту басқармасы.