"Хабар 24" арнасының хабарлауынша, бөртегүлді үй иесі 15 жыл бұрын еккен. Осы уақыт ішінде бқл өсімдік күзде ешқашан гүлдемеген екен. Ал жақында бұталардың бірінде гүл пайда болған.
Әдетте бөртегүл жылына бір рет – мамыр-маусым айларында гүлдейді. Айтпақшы, сирек кездесетін бұл құбылыс бұтаға үймелеген араға да қуаныш сыйлаған.
"Зер салып қарағанымда, бөртегүл бүршіктері гүлдей бастағанын байқадым. Менің ойымша, бұл күн жылы болады, күз жақында келмейді деген жақсы нышан деп ойлаймын", – дейді ақтөбелік Сәуле Тәжина.
