Алматы полициясы 2 күн ішінде 111 шетелдікті әкімшілік жауапкершілікке тартты, оның 23-і – Африка құрлығы елдерінің азаматы.
ПД-ның қабылдап тарату мекемесіне жеке басын куәландыратын құжаты жоқ 32 шетелдік орналастырылды.
Әкімшілік соттың шешімімен 17 шетел азаматы Қазақстан Республикасынан шығарылды. Сондай-ақ шетелдіктердің Қазақстан Республикасында болуының заңдылығын қамтамасыз ету шараларын қолданбағаны үшін 31 шақырушы тарап жауапкершілікке тартылды. Кәсіпорындардың бірінің басшылығына қатысты қылмыстық іс қозғалды, – деді Алматы қалалық ПД көші-қон қызметі басқармасының бастығы Асхат Бутунчинов.