Журналистер Қарағандыны басып, кетпей тұрып алатын түтіннің басты себебі экологтар сапасыз көмірге байланысты екенін айтқанын еске салды. Сөйтіп әкімнен бұл мәселенің қалай шешілетінін сұрады.
"Жаман көмір, арзан көмір болуы мүмкін, кейбіреулері, тіпті көмір қалдықтарын да пайдаланады, мұндай фактілер де бар. Қаланың ескі бөлігіндегі жеке бизнестің қазандықтарында солай болуы мүмкін", - деді Қарағанды облысының әкімі Ермағанбет Бөлекпаев.
Оның айтуынша, бұл мәселе қаланың ескі бөлігін газдандыру кезінде шешілетін болады.
"Қазір газдандыру процесі белсенді жүріп жатыр. Өздеріңізге мәлім, біздің азаматтарымыз газға көбірек қосылуы үшін бөліп-бөліп төлеу шартымен пайызсыз несиеге шамамен 300 млн теңге бөлдік. Бұл жұмыстар Қарағанды мен Теміртауда да белсенді жүргізілуде", - деп сөзін түйіндеді өңір басшысы.
2023 жылдың 6 ақпанында қарағандылықтарды қаладағы қалың түтін шошытып жіберді.