"Қазгидромет" РМК ұсынған мәлімет бойынша, еліміздің басым бөлігі Оңтүстік Каспий циклонының ықпалында болады.
"Оңтүстікте қатты жаңбыр жауады, батыста, солтүстік-батыста, оңтүстік-шығыстың таулы аймақтарында қатты жауын-шашын (жаңбыр, қар) болады. Тек республиканың шығысы мен оңтүстік-шығысында күн райы жауын-шашынсыз болады деп болжанды", – деді синоптиктер.
Қазақстан бойынша тұман, көктайғақ болады, желдің жылдамдығы 23-28 м/с жетеді.
Астанада көшпелі бұлт шығады, күндіз жаңбыр жауады. Оңтүстік-шығыстан соғатын жел оңтүстік-батысқа ауысады, екпіні 16-21 м/с. Ауа температурасы түнде -2-4°С, күндіз +4+6°С шамасында.
Алматыда көшпелі бұлт шығады, жауын-шашынсыз. Түнде және таңертең тұман. Жел 0-5 м/с. Ауа температурасы түнде +4+6°С, күндіз +14+16°С.
Шымкентте көшпелі бұлт шығады, таңертең және күндіз өткінші жаңбыр жауып, найзағай ойнайды. Оңтүстік-батыстан екпіні 15-20 м/с болатын жел соғады. Ауа температурасы түнде және күндіз +13+15°С.