Мемлекеттік корпорацияның мәліметінше, Қазақстанда жыл басынан бері 12 мыңға жуық жол апаты орын алып, 2 мыңға жуық адам мерт болды.
"Өзіңізге және айналаңыздағы адамдарға қауіп төндірмеңіз! Жүргізуші куәлігін адал жолмен алыңыз!", делінген ведомствоның 27 қарашадағы хабарламасында.
Мемлекеттік корпорация мақсаты біліксіз жүргізушілерді болдырмауға бағытталғаны да нақтыланады.
"Жүргізуші куәлігін алу үшін тапсырылатын емтиханды қатаңдату мақсатында ЖЖЕ 3.0. жүйесі енді. Нәтижесінде, бір жарым ай ішінде теориялық емтихан бойынша 66 емтихан қорытындысының күші жойылды", делінген "Азаматтарға арналған үкімет" мемлекеттік корпорациясы хабарламасында.
Айта кетсек, 2023 жылы 3 қазанда Ішкі істер министрінің орынбасары Марат Қожаев жүргізуші куәлігін алу процедуралары қатаңдатылғалы жатқанын хабарлаған болатын.
