"Қазгидромет" РМК ұсынған мәлімет бойынша, республика аумағында атлантикалық циклонның ойпатының және атмосфералық фронтальды учаскелердің әсерінен күн райы тұрақсыз болады: жауын-шашын (қар, жаңбыр), оңтүстіктің таулы аймақтарында және оңтүстік-шығыста – қатты жауын-шашын (жаңбыр, қар), тұман, көктайғақ, екпінді жел болады, елдің солтүстік жартысында бұрқасын соғады.
"Түнде Қостанайдың солтүстігінде, шығысында, батысында, Солтүстік Қазақстанның оңтүстігінде, таңертең және күндіз Жамбыл облыстарының оңтүстік-батысында, таулы аймақтарында екпіні 30 м/с және одан да жоғары жел соғады", - делінген хабарламада.
