Алматы полиция департаменті хабарлағандай, Алматыда жер сілкінісі сезілген 23 қаңтарға қараған түні қоғамдық тәртіпті айтарлықтай бұзусыз өтті. Мегаполисте жағдай тұрақты және бақылауда.
Жер сілкінісінен кейін Алматы жол полициясы бөлімшелері кезекшіліктің күшейтілген нұсқасына көшірілді. Қаладағы тәртіпті 2,5 мыңға жуық полиция қызметкері қамтамасыз етті.
"Түн салыстырмалы түрде тыныш болды. Қалада жағдайдың асқынуына жол берілмеді. Жол қауіпсіздігі өз деңгейінде қамтамасыз етілді. 102 желісі әдеттегідей жұмыс істеді: азаматтардан түскен қоңыраулар саны өскен жоқ", - деп атап өтті полиция.
Алғашқы дүмпулерден кейін көптеген алматылықтар үйлерін қараусыз қалдырып, пәтерлерін тастап, далаға шыққанымен, 23 қаңтарға қараған түні қала полициясы тонау фактісін тіркеген жоқ.
Бұған дейін алматылықтарға неліктен жер сілкінісі туралы СМС арқылы ескертілмегені белгілі болған еді.
