Сағат 15:32-дегі жағдай бойынша 32 рейс тоқтатылды немесе кейінге қалдырылды.
Алматыдан жөнелту:
- Екі рейс тоқтатылды (FlyArystan – Қызылордаға, Air Astana – Астанаға).
- 11 рейс кешіктірілді (Эйр Астана – Дели, Астана (2 рейс), Доха, Қызылорда, FlyArystan – Семей, Қостанай, Өскемен, Түркістан, Qazaq Air – Астана, Scat – Мәскеу (Внуково)).
Алматыға келу:
- Үш рейс (FlyArystan – Қызылордадан, Air Astana – Өскемен мен Астанадан) тоқтатылды.
- 16 рейс кешіктірілді (Qazaq Air – Көкшетаудан, FlyArystan – Атырау, Семей, Scat – Ақтөбе, Жезқазған, Мәскеу (Шереметьево), Атырау, Тараз, Air Astana – Душанбе, Дубай, Ташкент, Қызылорда, Астана, Дели, Доха, Wizz Air - Абу-Дабиден).
Бұдан бұрын хабарланғандай, 2024 жылдың 16 ақпанында таңертең Алматыда қалың қар жауа бастады, синоптиктердің болжауынша, ол 17 ақпанға қараған түнге дейін жалғасады. Сондай-ақ ауа температурасы -20°C-қа дейін төмендейді деп күтілуде.