Атырау облысының полиция департаментінің хабарлауынша, 9 наурыз күні сағат 07:00 шамасында Доссор – Құлсары – Бейнеу тас жолының 74-шақырымында "ГАЗель" мен "КамАЗ" соқтығысты.
Апат салдарынан екі көлік өртеніп кеткен. 24 жастағы "ГАЗель" жүргізушісі оқиға орнында көз жұмды.
"Кибер-Шериф" құрылғысының көмегімен "ГАЗель" жүргізушісі Маңғыстау облысынан Оралға жүк апарып, демалмастан, қайта жолға шыққаны анықталды.
Полицейлер жүргізушілерге жолға шығарда демалып, жол ережелерін қатаң сақтауды ескертті.