Дауыл бастала салысымен-ақ қалада көлік кептелісі пайда болды, 18.00 шамасында кептелістің деңгейі 10 балға жетті.
Сурет: Zakon.kz
Қатты жел мен жаңбырдың салдарынан жолдарда дым көрінбей қалған.
Сурет: Zakon.kz
Желдің екпіні сонша күшті болғаны сондай, кейбір ғимараттарда жер сілкінісі сияқты тербелістер сезілген.
Сондай-ақ сағат 18.00-ге таман қала бойынша электр қуатының өшіп жатқаны туралы хабарламалар түсе бастады.
Сурет: скриншот
Наурызбай ауданында (Ажар шағын ауданы, Тастыбұлақ ықшамауданы) электр қуаты жаппай өшіп қалды, мұнда жарық екі сағаттан соң қосылуы мүмкін. Сондай-ақ "Ремизовка" және "Бағанашыл" шағын аудандарында электр қуаты үш сағаттан қосылатыны хабарланды. "Тау Гигант" шағын ауданында екі сағаттан соң жарық қосылады.
Сондай-ақ Бостандық ауданы бойынша Тимирязев, Бұқар жырау, Жароков, әл-Фараби көшелерінің бойында да электр жарығы сөніп қалған. Бұл көшелерде жарық төрт сағаттан соң қосылады. Сонымен қатар Алмалы және Нұркент, Әйгерім-1 шағын аудандарында (Алатау ауданы) электр қуаты сөніп қалды.