"2015 және 2017 жылдары мемлекет "Бипэк Авто Қазақстан" АҚ-на мемлекеттік қордан ұзақ мерзімді орман пайдалануға (49 жылға) орман ресурстарын берген. Орман кодексіне және шарттардың талаптарына сәйкес, Орман пайдаланушы жыл сайын орман алқабын пайдалану құқығына орман билетін алуға, өрттің алдын алудың жедел жоспарын әзірлеуге және Орман шаруашылығымен келісу үшін ұсынуға, сондай-ақ өз қаражаты есебінен уақытында оны жүзеге асыруға міндетті болған. АҚ орманды пайдалану бойынша жоғарыда аталған шарттарды сақтамаған", делінген ведомстваның ресми хабарламасында.
Сонымен қатар, "Бипэк Авто Қазақстан" АҚ орман алқабына заңсыз құрылыстар тұрғызған.
"Сот талапты қанағаттандыра отырып, жауапкер тарапынан Орманды пайдалану ережелері мен шарттарында белгіленген ережені жүйелі түрде бұзуға жол берілгенін негізге алған, бұл Орман кодексінің 40-бабының талаптарына сәйкес, шартты бұзуға негіз болып табылады."
Нәтижесінде, 169,7 гектар жер мемлекеттік орман қорына қайтарылды.
