Әуезов ауданында кәсіпкерлікті және өнеркәсіпті дамыту бөлімі "Алматы - біздің ортақ үйіміз" эконауқаны аясында рұқсат етілмеген жарнаманы жою мәселесі бойынша бизнес нысандарына түсіндіру жұмыстарын жүргізді. Әкімдік қызметкерлері 251 нысанды аралады.
Түрксіб ауданында рұқсат етілмеген жарнаманы жою Жансүгіров, Бекмаханов, Іле трактісі, Шемякин көшелерінде жүргізіледі. Әдетте, рұқсат етілмеген жарнама дәмханалар, дүкендер және т.б. кәсіпкерлік нысандарының жанында орнатылады. Барлығы 200 нысан қамтылды.
Алатау ауданында рұқсат етілмеген жарнаманы жою үшін 100-ден астам адам, сондай-ақ 50-ден астам техника жұмылдырылды. Сонымен қатар, 3 бригада аялдамаларды бояумен және жуумен айналысады.
Жетісу ауданында Солтүстік айналма көшесі, Райымбек даңғылы, Рысқұлов даңғылы бойынша рұқсат етілмеген жарнамаларды жою жұмыстары жүргізілуде. Шамамен 30-40 адам атсалысады.
Наурызбай ауданында Жандосов көшесінің бойында кәсіп иелері 20-дан астам жарнамалық баннерді алып тастады.
Барлық ақпарат almaty.kz сайты мен Алматы әкімдігінің әлеуметтік желілеріндегі парақшаларында жарияланады. Сондай-ақ, қаладағы баннер, плакат және афишалардағы арнайы QR-код арқылы веб-сайтқа кіруге болады.