26-шағын ауданда "Қарлығаш" балабақшасына қарама-қарсы жердегі жаяу жүргіншілерге арналған аймақта көлік жүргізіп бара жатқан адам видеоға түсіп қалған.
Hyundai Tucson жүргізушісі анықталды. Оның үстінен ҚР Әкімшілік құқық бұзушылық туралы кодексінің 596-бабының 1-бөлігі бойынша ("Жол жүрiсi қағидаларын бұзып, жаяу жүргiншiлер жолдарымен, жол жиектерiмен немесе тротуарлармен жүру") хаттама толтырылды. Бап бойынша 15 АЕК (55 380 теңге) көлемінде айыппұл қарастырылған.
Дәл осындай оқиға 13-шағын ауданда №2 үйдің артында болған, онда да "Нива" көлігі жаяу жүргіншілер жолымен жүрген. Бұл жүргізушінің әрекеті жоғарыдағы бап бойынша сараланды.